Naomi Watts chuan a pasal Billy Crudup nen an inneih kum thumna pualin midang la hmuh ngai loh an inneih thlalak a instagram-ah a tarchhuak.
Kum 57 mi pahnihte hi June 2023 khan New Yor-ah inneiin, a kum leh June 2024 khan Mexico-ah inneih an buatsaih tha leh a, an inneih ni June 9 chu an atan a pawimawh em avangin an special day a nih thu Watts-i chuan a sawi.
A thlalak tarchhuahte hi hmun danga la hmuh ngai loh an ni nual a, inneih thawmhnaw nena an lanna hrang hrang niin, an nalh hle. A caption-ah ‘Happy Anniversary my love’ a ti hnap bawk.
Watts hian a pasal hmasa Liev Schreiber nen fapa Sasha,18 leh fanu Kai,17 neiin, Crudup pawh hian a kawppui hmasa Mary-Louise Parker nen fapa William,22 an nei a, Watts leh Crudup te erawh hi chuan an inneih hnuah fa an la nei dun lo thung a ni.