Phalna nei lova lirthei khalh an la tam reng a, dan leh dun hre lem lo a khalhchhuak leh kumtling lo lirthei khalh pawh an la awm fo bawk.
Lirthei khalchhuah dawna dan leh hrai tam tak awm hre lo, ke a kalte tana hlauhawm leh lirthei dang khalhtute tana hlauhawm tak taka la khalh fua fua an awm reng bawk.
Traffic police te chuan heng mite tih tawmim nan theihtawpin hma an la chho zel a, a lawmawm hle. A bik takin pathianni leh zan lam boruak hi thlithlai ngun zual a la ngai tak zet.
Kan ram hi a ralmuang a, ramdang laka kan inchhuan thinna pawh ralmuang tak kan ni thei zel hi a ni. Mahse, tunhnaiah kawng hrang hrangin thu hriat nuam lo hriat tur a awm leh thin a, hei hi keimahni theuh hian veng ila, fak lehzual hlawh turin i tangrual ang u.
Traffic police te an thawkrim a, lirthei khalhtute pawh kan fimkhur a, dan leh hrai zawm tur hrang hrang awmte kan zawm a, kan hriat thar lehzual a tul hle.
Sawi tawh angin pathianni leh zan lam boruak hi thlithlai uluk lehzual nise, hemi tur hian a kaihhnawih department hrang hrangte pawh insangmar thei se la, sorkar pawhin a tul angin chhawmdawl lehzual ngei bawk teh se.