Simon Cowell leh a kawppui Lauren Silverman te chu an fapain social media a chhiatpui loh nan an ‘strick’ hle.
This Morning-in an kawmnaah Simon-a kawppui Silverman chuan he thu sawichhuakin, an fapa kum 12 mi chu social media zuna a uai loh nan theihtawp an chhuah tih a sawi a, phone pawh chu a nei, mahse kan call a chhan theih a, kan inbiak theih chuan kan duhtawk hle, a ti.
Kum 48 mi hian UK-ah kum 16 hnuai lam tana social media hman khap a nih vangin anni pawhin theihtawpa an fapa enkawl dan an zir a ngaih thu sawiin, social media zunah hian uai lo se kan duh ber, a ti bawk.
Kum 66 mi Simon Cowell leh Silverman te hian fapa pakhat Eric, kum 12 mi an nei mek a, kawng thui tak a zawh a la ngai dawn tih an hriat avangin an fapa lakah hian social media an ham ‘strick’ hle a, engmah hi hre rih lo mahse a pawi kan ti lo, tiin a nu hian a sawi hial a ni.
Simon leh Silverman te hi inneih pangngaiin an la innei lo a, Silverman hian a pasal hlui Andrew Silverman lakah fapa Adam, kum 20 mi neiin, Adam nena an inthenna kha a tuar nat thu a sawi chhuak tel bawk a, fa nei thei tawh lo ang hial tura a inchan hnuah Eric a nei leh chu a hlim tak zet thu a sawichhuak bawk.