Aizawl: State Disaster Response Fund – Recovery & Reconstruction window (Phase 4) kaltlangin Saihapui ‘V’ leh Phainuam inkara lei (bridge) siam that hna thawh a ni dawn a. He hna hi chak zawka thawh a nih theih nan Kolasib Superintendent of Police, Lalrinpuia Varte chuan he lai kawng hi lirthei zawng zawng tan khar (block) lailawk a nih thu thupek a chhuah.
Kolasib SP thuchhuah hian Mizoram state sorkar Notification No. B. 12021/10/2004-TRP dt. 01.06.2020 leh Section 115 of Motor Vehicle Act 1988 tlawhchhanin, June ni 23, 2026 (Thawhlehni) atanga June ni 30, 2026 (Thawhlehni) chhung hian Saihapui ‘V’ leh Phainuam inkar kawngah hian lirthei eng chi mah tlan phal a ni rih lo ang.
He thupek bawhchhia leh zawm lo te chu Section 179 MV Act hmanga hrem an ni dawn a ni.
He kawng khar tur chungchanga zawhna leh harsatna nei te tan OC Vairengte PS: 9862786385 leh Saihapui ‘V’ Police Checkgate: 7005728279 ah te biakpawh theih a ni.