Belgian goalkeeper Thibaut Courtois chuan a khelh mekna, Real Madrid-ah football a chawlhsan hma chu awm a duh thu a sawi a, an rama khela kir leh a tum tawh loh thu a sawi.
Kum 34 mi, Courtois hian kum 2018-a Chelsea atanga Real a zawm hnuah kum riat a hmang tawh a, vawi 333 inlan tawhin nomawi lian 12 a la tawh a, heng zingah hian La Liga pathum leh Champions League pahnih a tel.
Courtois chuan, “Belgium-a khelh leh chungchang hi ka ngaihtuah tawh lo. Ka tan chuan Belgian Pro League kawngkhar chu khar a ni tawh a. Genk pawhin goalkeeper naupang thiam tak tak an ngah a, chuvang chuan ka thiltum ber chu Real Madrid-a ka career hman zawh hi a ni,” tiin a sawi.
Tun hnaiah Courtois hi Belgian Pro League-a a club hlui, Genk zawm leh tur anga sawi a tam a; mahse, Belgium-ah chuan a kir a rinawm tawh loh.