Zaithiam Carly Rae Jepsen chu kum thum dawn a thawm a reh hnuah project lian tak nen a lokir leh dawn ta.
June 22 khan Jepsen chuan thuchhuah rawn neiin, track 24 awmna tur hla a buaipui mek thu a sawi.
Kum thum dawn a reh vang vang a, March thla khan a pasal Cole M.G.N nen an fa hmasa ber a han nei leh ren rawn phawt a, tunah chuan music thar lam min hlui turin a inbuatsaih lek mek ta.
A album thar tur hi ‘Day and Night’ tih niin, September 18 a tihchhuah tura ruahman a ni a, a album hnuhnung ber chu kum 2023 a tihchhuah ‘The Loveliest Time’ tih kha a ni.
A album thar turah hian Tavish Crowe, Kyle Shearer, Nate Cyphert leh a pasal Cole M.G.N te nen an thawkho a, ama sawi danin hlimna, lunngaihna, hmangaihna leh ngaihtuahna ril taka hruai theitu hla hrang hrang a ni dawn a ni.