Aizawl : Kum thum kalta chhunga ram chhunga chhiatna (disaster) lian tham thleng chhuina – Megisterial Inquiry leh Special Investigation team (SIT) report hrang hranga hmalak zuina te sawihona neih a ni.
Disaster Management & Rehabilitation (DM&R) changtu Home Minister Lalchamliana hoin nimin khan MINECO-a \hutkhawmah tun hnaia chhiatna lian tham thleng chhuina Megisterial Inquiry report pathum – July 2, 2019-a BSUP Complex, Durtlang-a lei min chungchang; June 11, 2021-a |huampui Veng, Aizawl-a in chima chhiatna thleng chungchang leh Ni 17.12.2021 zing a Deputy Commisioner, Aizawl Office kang chungchang chhuina bakah, April 2021-a Mizoram hmun hrang hranga kangmei chhuak chungchangah SIT in an chhuina report te an sawi ho a ni.
DM&R Minister Lalchamliana chuan, he’ng chhiatna thleng hrang hrang buaipuitu department leh district tina DC te hmalak mek dan te sawi ho a nih hnuah, hmalak tawkna hrang hrangah lawmthu a sawi a. Hmalakna tur hmabakah chak taka hma la \heuh turin department te a chah bawk.
He \hutkhawmah hian a bik takin April 2021-a Mizoram hmun hrang hranga kangmei chhuak chhuina report chungchangah, department te ti tura a tih anga chak taka hmalak \heuh a pawimawh thu te, kangmei chhuak avanga in leh lo, nunna leh thing leh ramsate chunga chhiatna thleng thei venna kawngah sorkar thuneitute, VC/LC, NGO leh mipuite chu \an la \heuh turin DM&R Minister hian a chah a ni.
|hutkhawmah hian H. Lalengmawia IAS, Commissioner & Secretary, DM&R ; Addl. Secretary, DM &R Vanlalmawia; John LT Sanga, Director, DM &R leh a thawhpui senior officer-te; IGP (Hqrs) John Neihlaia leh Police hotu dangte; C. Lalthanmawia, Director, Fire & Emergency Services; Dr. Lalhriatzuali Ralte, Aizawl DC leh C. Lalruaia, Aizawl SP te an tel a ni.