Aizawl: BJP Mizoram chuan Thawhtanni khan Dr. Shyama Prasad Mukherjee 125th Birth Anniversary lawmna chu an pisa, Mipui Rûn, Upper Republic-ah Delson Notlia, MDC & State General Secretary chuan thu a sawi.
Delson Notlia chuan thusawiin India-a mi bik tak pakhat, Dr. Shyama Prasad Mukherjee Birth Anniversary 125 chu India pumah hman a ni tih a sawi.
Dr. Shyama Prasad Mukherjee-a chanchin sawiin union industry minister hmasa ber a ni a, India-in a resource neih zawng zawngte chu sorkar leh private sector-te nen thawkhova intodelh tur a ni tih chu a thupui a ni tih a sawi.
Delson Notlia chuan sawi chhunzawmin, “PM Modi leh Dr. Mukherjee Vision hi a inkungkaih tlat avangin Pu Modi-a’n developed ram kan nih theihna lungphum chu intodelh hi a ni, a ti a, hei hi Pu Mukherjee pawhin kum 1948 khan a sawi tawh a; chuvangin, Dr. Mukherjee-a’n Congress chhuahsan duhna hial a neih phah a, India hma lam hun atana a vision ang kha Congress party-ah a tihhlawhtlin theih loh vang a ni a, party thar dinin, vawiina BJP din theihna leh India kaihhruaina atana vision mumal tak kan neih theihna leh hma kan lak theihna hi Pu Mukherjee hi a ni,” a ti.
“BJP hian India hmangaihna atangin rawng a bawl thin avangin Mizoram thlengin tun hmaa state ensan ang hial ni thin pawh development tam tak a luang lût thei ta a. Development nasa leh zuala kan hai luh zel theih nan leh central-in min rin ngamna atan BJP hi kan thawhpui thiam a tha,” a ti bawk.
Inkhawmah hian K. Sanghluna, State Secretary pawhin Dr. Shyama Prasad Mukherjee chanchin sawina hun a nei bawk.