Aizawl: Agriculture & Farmers’ Welfare minister, Mizoram Agricultural Marketing Board (MAMB) chairman ni bawk, PC Vanlalruata chuan Thawhtanni khan Tuirial Airfield-ah sawhthing leh thlai dang dah thatna leh sawngbawlna hmun tur a enfiah.
Tuirialah hian sawhthing dahna atan godown leh a sawngbawlna tur processing unit bun a nih theih nan chak takin sorkarin hma a la mek a. Tunah hian a panna tur bypass road siamna atan Rs. Vaibelchhe 5 chuang dah a ni a. Chief minister duh dan angin sawhthing thar leh hmaa peih fel hman tura hmalak mek a ni.
Minister hi Dr KC Lalmalsawmzauva, Adviser to CM (Handholding); Ramdinliani, IAS, Secretary, Agriculture & Farmers’ Welfare; Vanramthangi, Director, Agriculture & Farmers’ Welfare leh MAMB member ten an tawiawm.