Khawvel ennawm ropui world cup football khelh lai a ni a, chhungkaw tam tak kan mengrei a, an khelhna ram hun leh kan rama hun a inan loh avangin kan menrei phah hle.
Mizote hi football ngaina, ngaisang leh en nasa kan ni a, tun world cup khelh mekah pawh hian kan en nasa hle tih a hriat. Zanrei tak tak thlengin veng tinah authawm nasa a, hmun tam takah authawm hriat tur a awm bawk.
Hetih lai hian zanrei lama en thin kan nih avangin eitur kan buatsaih tlangpui thin a, kan chetvelna leh power line thlenga kan enfel a, kangmei tichhuak lo tura kan fimkhur thar a ngai hle.
Zanrei lamah hian inkhel en tan a lo nat tawh phei chuan thildang ngaihthah a awl a, mi tam tak an lo mut tawh bawk thin avangin kangmei tichhuak lo tur zawnga kan chetfel a pawimawh hle a ni.
Zanrei authawm a len a, hlimna leh pawi tihnain min zui tawh bawk si chuan thildang ngaihtuah hi a har tawh a, chhiatna nasa zawk thleng thei kan ngaihven hram hram a, kan hmunhma kan enfel that a pawimawh hle.
Kangmei hi a hlauhawm a, hlau ila, tichhuak lo turin i fimkhur tlang thar leh ang u.