Aizawl: Nilaini khan DAPCC Aizawl District hmalakna kal zelah Central YMA Committee Room-ah Central YMA Health & Sanitation Committee leh DISHA (District Integrated Strategy for HIV/AIDS) Aizawl District te chu hmalakho dan tur relin an thukhawm.
Consultation Meeting hi Dr. Lalrinawma Hnamte, Chairman, Central YMA Health & Sanitation Committee-in kaihruaiin sawihona hun tha tak neih a ni.
Mizorama HIV hmuhchhuah tam berte hi sex atanga kai an nih thu te leh HIV hrik pai mahni inrinhlehna chang leh HIV test nachang hre loten mi dang an kai chhawn thin avangin a tam thei ang ber HIV test a nih theihna tura hmalak dan tur te relho a ni.