Aizawl: Chief Minister Lalduhoma chuan Nilaini khan a office-ah Mizoram Police Service Officer, Administrative Training Institute-a training mek (MPS 26th Batch Trainee) mi pariatte a kawm.
Chief minister hian MPS training mekte chu thiamna sang tak tak nei an nih avangin an tangkai hle dawn tih a hrilh a. Zirna tluang pangngaia an thiamna bakah Hindi thiam tum tur leh information technology lamah pawh hriam zel turin a chah.
Chief Minister hian IPS a training lai leh a service lai chanchinte pawh hrilhin mi mal nunphung leh mizia chu an awmna tur leh an thawhsak tur mipuite ngaihven hmasak a ni zel tih sawiin “Kawng engkimah mawi takin in nung zel dawn nia,” a ti.
“Police chuan mi hlimna leh hlawhtlinna chanchin aiin an manganna kan hre tam zawk thin. Chuvangin, rawngbawlna anga ngaia thawh chi hna a ni,” a ti.
Trainee te hian an hriat duh thil hrang hrangte an zawt bawk.
MPS trainee-te hi Rita Lalnunmawii Pachuau, Director, ATI-in a tawiawm a ni.