Boruak an nei hat a, Beckham te nupa erawh an ngawi reng thung a. An fate chhiatna lam emaw, insawifiahna lam emaw pawh vawiin thlengin an nei chuang lem lo.
Hetih lai hian June 10 khan Beckham te fa naupang ber Harper-i kum 15 na chu West Balm Beach, Florida-ah neiin, hetah hian Brooklyn te nupa hmel erawh a lang ve leh ta lo.
Kum 27 mi Broolyn leh a nupui Nicola Peltz Beckham te hi engvanga tel lo nge an nih tih sawi a ni lo a, kalkhawmte zawhna lian tak pakhat a tling.
He piancham lawmnaah hian Beckham te nupa bakah, Romeo,23 leh Cruz,21 te erawh an unaunu piancham lawmnaah hian phur takin an tel a, hemi hnua an pa ber Beckham-a Hollywood Walk of Fame Star dawn lawmnaah pawh Brooklyn te nupa hi an tel lo zui bawk.
Heng hun pawimawh pahniha Brooklyn te nupa tel lo hian titi a siam tam leh hle a, Beckham family chuan thuchhuah engmah an siam zui lo thung.