Aizawl: MSU General Headquaters, Aizawl hruaitute chuan Thawhlehni khan Education Minister Dr. Vanlalthlana a pisaah hmuin mahni post-a awm lote zirtirtu leh nungchang tha lote chungchang an thlen.
MSU hruaitute chuan zirtirtu 550 Samagra hnuai atangin mi 246 (44.73%) post-a awm lo an awm thu an thlen a, hei hian sikul tam takah zirtirtu indaih lohna thlenin naupang zirna thlengin a nghawng thu an sawi.
Mamit district-ah zirtirtu mahni awmna hmuna awm lo mi 150 lai an awm thu an thlen a. Minister chuan an thil thlen chu a ngaih pawimawh takzet thu leh hmalak a nih tur thu a lo hrilh a ni.