Khawvel nghahhlelh leh hmuhnawm tih, kum li dana neih thin, FIFA World Cup khelh mek a ni a, Mizoramah pawh a thlipui hi tlehin mi tin min nuai mek tih theih a ni.
Jersey zuar an tam hle a, sports goods dawr neitu mai bakah online hmanga jersey zuar hi kum dang zawng aiin an tam nia sawi a ni.
Heng jersey zuartute hian a tlangpuiin World Cup-a tel, an ram tan zawngte jersey an hralh tha hle nia sawi a ni a, online-a jersey zuartu pakhat chuan a customer-te duh ang a chah hneh mang lo niin a sawi.
Aizawl khawlaiah pawh ram hrang hrang jersey ha chhuak an tam hle a, a bik takin Lionel Messi-a te ram, Argentina jersey chu hralh kal zual nia sawi niin, Cristiano Ronaldo-a te ram, Portugal jersey chu hralh tam zual a ni bawk.
Hetihlai hian World Cup khelh hun hi kan ramah chuan zan rei lam a ni deuh zel avangin private school thenkhat chuan an zirlaiten an taksa lama harsatna an tawh zui loh nan leh school kal nuam an tih theih zawk nan an school tan hun pangngai aia darkar chanve chuanga sawn tlai an awm bawk.