FIFA World Cup 2026 chu pathianni zan khan a hmawrbawk niin, tumdanga la tih ngai loh angin halftime show ropui tak neih a ni.
Super Bowl ang deuha halftime show hi neih niin, Madonna chuan hma a rawn hruai a, footballer lar Ronaldo leh Ronaldinho te rawn hruaichhuakin, BTS, Justine Bieber leh Shakira te an rawn inlan zui bawk.
Halftime show hi FIFA Global Citizen Education Fund thlawpna tura tih a nih angin naupangte leh zirna leh infiamna kalkawp tir zawngin theme an rawn nei a, musical performance ropui tak a awm bawk.
Kum 67 mi Madonna chuan kum 2000 kuma a hla hit ‘Music’ tih hmangin stage a rawn luah a, BTS in an hla hit bawk ‘Dynamite’ an rawn thlawhchhuak leh a, a hmuna entu leh khawvel hmun hrang hranga an fans te thawm a tha hle. Hemi hnu hian Justin Bieber leh Shakira te an rawn inlan zui a ni.
Halftime show neih hma hian world cup final kharna hun ropui tak neih ni bawkin, Post Malone chu a zai hmasa ber a, anmahni line-a mi lar tak tak Tom Cruise, Jennifer Hudson, Laura Pausini, Nicole Scherzinger, Robbie Williams leh IShowSpeed te an inlan zui bawk a ni.