Aizawl: Mizoram Legislative Assembly Speaker Lalbiakzama chu Pathianni khan Bangalore-a a thlennaah Bangalore Mizo Association (BMA) leh Mizo Students’ Association (MSA), Bangalore hruaituten tlawhin an kawm.
An inkawmnaah hian BMA hruaitute chuan Bangalore-a Mizo zirlai ten zirna kawnga harsatna leh hmasawnna an mamawh hrang hrangte, zirlai zir zo tawhten hmakhaw tluan an zawh zui zelna tura pawimawh nia an ngaihte Speaker hnena hian an thlen a. Hei bakah hian Mizo mipuite tana Bangalore khawpui chhunga zirna leh hna zawnna (employment) lama thil pawimawh leh tangkai tur hrang hrangte pawh an thlen a ni.