Rajya Sabha member atan Khiangte Laltluangkima lak luh a ni.
Thawhtanni atangin Parliament fur thutkhawm chu tan a ni a, inkhawmah hian Rajya Sabha member atana thlan thar mi pakua-te rinawmna thu tiam tira lakluh an ni a, Mizoram aiawha Rajya Sabha member atana thlan thar, Khiangte Laltluangkima pawh lak luh zingah hian a tel a ni.
Khiangte Laltluangkima chuan, “Vawiin hian Rajya Sabha-a Mizoram state aiawh tura lakluh ka ni ve ta a, Pathian chungah leh kan sorkar te, kan hruaitute leh Mizoram mipui zawng zawng chungah lawmthu ka sawi a ni,” a ti.
Rajya Sabha MP thar ni ta, Khiangte Laltluangkima hi Mizoram Lok Sabha MP Richard Vanlalhmangaiha, Mizoram State Planning Board Vice Chairman Dr. Kenneth Chawngliana, ZPM Gen. Hqrs. hruaitu thenkhatin New Delhi-ah hian an telpui a ni.