North East Regional Taekwondo Federation (NERTR) General Body meeting chuan hruaitu thar thlangin Mizoram Amatuer Taekwondo Association (MATA) General Secretary Master Joseph Thansanga chu a term hnih nan vice president-ah thlan leh a ni.
Inrinnia Guwahati, Assam-a thutkhawmah Mizoram aiawhin MATA Senior Vice President Master VLSawma leh general secretary te an tel.
Meeting-ah hian Ministry of Youth Affairs & Sports-in a pawm thar, National Sports Governance Act 2025-in a phut angin North East Taekwkndo Union tih thin chu North East Regional Taekwondo Federation tia thlak a ni.
Hmarchhak state-te thawhhona tur atan pawimawh leh inelna hrang hrangte pawm a ni bawk.
NERTF Rorel zawh hian kum 2026-30 chhunga an hruaitu thlan nghal a. Vice president atan Master Joseph-a hi thlan nawn leh a nih bakah MATA senior vice president chu Technical Committee Member paruk thlan chhuah zingah a tel bawk a. Anni hian kum lo kal tur atan hmarchhak inelna hrang hrang programme an duang zui ang.
NERTF hi president atana thlan thar, Manipur Chief Minister Y.Khemchan-a’n a kaihruai zui dawn a. Ani hi black belt leh India aiawha lo khel tawh thin a ni.
- NERTF Office Bearer thlan tharte:
President: Y.Khemchand, Manipur
Working President: Pele Khezhie, Nagaland
Vice President: Hiranya Saikia, Assam & = Joseph Thansanga, Mizoram
General Secretary: Likha Robin, Arunchal Pradeh
Joint Secretary: Jadumani Singh, Meghalaya; Sujoy Ker, Tripura; Rupen P, Sikkim
Treasurer: T.Alem Aier