Lemchanthiam Katie Holmes leh zaithiam Yarmosky te chu an inkar a tha chho zel niin a lang a, thuthang mai mai lo deuh niin an inkar hi a lang.
Kum 47 mi Holmes leh a kawppui thar nia sawi Yarmosky te hi July 24 khan New York khawpuia an leng lai hmuh an ni a, an inhaw lo hle.
Thlalatuten an hmuh lai hian a khat tawkin an inkuah a, an inchhaih a, tudang an ngai bik lo hle.
July 10 khan an pahnih hian thuthang hmasa ber rawn nei tanin, movie chhuak thar an en lai hmuh an ni a, hemi tum pawh hian inkuah deuh chawtin, an inhaw lo hle a ni.
An chanchin a than hnu leh an thlalak hrang hrang a larchhoh hnu hian thlalatute ngaihven leh khawthlang media-te chaw tui ber pakhat an ni nghal a, an hmuh hnuhnun ber tum pawh hian Jason hian Holmes hi a ngaihsakin, car kawngkhar thlengin a hawnsak thlap a, an inkar hi a tha chho zel niin a lang.