Mizoram atanga Indian Football League (IFL) khel club pahnih — Aizawl FC leh Chanmari FC-te season liam ta a an senso tanpuina chu nimin chawhnu dar 1:30 khan Sports & Youth Services Minister Lalnghinglova Hmar chuan a pisa-ah club pahnih hruaitute kutah a hlan.
IFL club pahnihte hi a vawikhat nan Mizoram sorkar chuan Bana Kaih (Handholding) Scheme atangin Rs nuai 25 ve ve in a tanpui a ni.
April 16, 2026 khan 1st installment atan Rs nuai 17.5 ve ve inhlan a lo ni tawh a, Sports Minister hian 2nd installment Rs nuai 7.5 ve ve hi a hlan leh ta a ni.
Tanpuina sum hlan hunah hian Lalnghinglova Hmar chuan Mizoram sorkarin infiammite bana kaih a ngaipawimawh hle tih a sawi a. Football kaltlangin Mizo thalai tam takin eizawnna an neih phah tih sawiin, football leh sports discipline dangte chu thalaite hmasawnna thlentu pawimawh tak a nih avangin Bana Kaih scheme nen a inhmeh hle a, pawisa hmanna awm tak a ni tiin a sawi bawk.