Aizawl: EIACP Hub, Mizoram Pollution Control Board (MPCB) leh Govt. T. Romana College Eco Club-te tangkawp chuan nimin khan RUSA Building Conference Hall-ah ‘Catch the Rain’ campaign pualin awareness seminar an buatsaih a, zirlai, zirtirtu leh official mi 150 vel an tel.
College Vice Principal R. Lalremliana kaihhruai seminar-ah hian Er. Benjamin Lalnunsanga Colney, Programme Officer, EIACP Hub chuan ruah tui luan raltir mai mai lova khawlkhawm leh tui renchem a pawimawhzia a sawi a. Resource Person Dr. C. Lalthlansanga, Sr. Core Faculty, SIRD chuan ‘Save water – Catch the rain’ tih thupui hmangin ruah tui khawlkhawm dan (rain water harvesting) leh tui humhalh pawimawhna chungchang a hrilh fiah a ni.
Sawi ho a ni a, kalkhawmten environment humhalh leh humhim tura thutiam an la bawk.