Aizawl: Tlawmngai pawl Foundation For Drug-Free Mizoram hmalaknain Pathianni chawhnu khan The Salvation Army College Veng Corps Young People (Y.P) inkhawmah ruihhlo that lohzia inzirtirna buatsaih a ni.
Inkhawm tawi buatsaihah hian Y.P member 42 ten an duhthlanna fim tak hmangin ruihhlo laka fihlim tur leh lut ve lo turin an intiam a, tleirawl intiamte hi tawngtainaa hlan zui nghal an ni.
He huna zirtirna pe tu Lalrinpuia chuan milem chethei hmangin ruihhloin mihring taksa, rilru leh thlarau thlenga a tihchhiat dan leh a khawloh dan a entir a ni.