Aizawl: Khuangleng SCC-a sawhthing hralhtuten an sawhthing hralhna man chawlhkar thar chhunga an dawng lo a nih chuan Anti-Corruption Bureau (ACB)-ah FIR theh luh an rel.
Thu dawn danin, Khuangleng Secondary Collection Centre hnuai, Primary Collection Centre hrang hranga sawhthing hralhtu zingah hian kumin April thla chhunga an sawhthing hralhna sum la dawng miah lo leh la dawng kim lo eng emaw zat an awm a, heng mite mangangte chu tunhnai khan Khuangleng VC House-ah an inhmukhawm a, hmalak dan tur an rel.
Kalkhawmte hian sorkar SOP-ah buyer sum bat theih loh a nih lai a, tun thlenga an sawhthing hralhna (buyer price) a leitu, hnam dang hnen atanga an la hmu lo chu an hrethiam lo va, chuvangin tun chawlhkar thar ral hmaa an sawhthing man an dawng lo a nih chuan ACB-ah FIR theh luh an rel a ni.