Jon Bon Jovi fapa naupang ber Romeo Bongiovi chuan music tuiin, theihtawpin bei ve thin mahse milar nih erawh a duh ngai loh thu a sawi a, a pa anga lar leh khum phei chu a theih loh hulhual thu a sawi.
Tun hnaia an kawmna pakhatah Romeo chuan ka hun a thleng a nihchuan ka inpeih, theihtawpin music pawh ka tuichilh ve, mahse milar nih erawh ka duh ngai lo, a ti.
Kum 22 mi musician hian hmingthan leh larnate hi ka ngaihtuahnaah a awm ngai lo, chutiang tur pawhin ka bei ngai lo, a ti a. Tun dinhmunah chuan hetia awm tawp a, zalen taka hun hman hi ka duh ber a ni, a ti bawk.
Khawvel hmaa lar khel reng renga hun i hman chuan i theih loh hun leh khawvelin a hnuchhawn hun che a la awm ngei dawn, thian tha tak tak i neih phah pawh a ni thei bawk, mahse chungte aichuan mahni duh dana zalen taka hun hman theih a, awm ve naw naw rih hi a tha ber a ni, a ti.