Lawngtlai district-ah dan kalha birth certificate, tribal certificate leh permanent residential certificate (PRC) lem siam leh pe chhuaka sumdawn nan hmang an awm avangin bawrhsapin hriattirna khauh tak a tichhuak.
Deputy commissioner thuchhuah chuan tumah document dik lo leh lem hmanga zirna sikulah te, sorkar scheme leh hamthatna dawn tum nana hmang lo turin ngen leh hriattir an ni a. District chhungah document lem siam leh hman phal a ni lo va, a ti te chu hrem an ni dawn.
Bawrhsap chuan document lem siamtute leh kawltute lakah FIR thehluh zel a ni dawn tih tar langin thil dik lo ti mante chu Bharatiya Nyaya Sanhita (BNS) Section 335 hnuaiah hrem an ni ang tiin mipuite fihlim turin a hriattir.