Aizawl: Ministry of Cooperation hnuaia Centrally Sponsored Project — Computerisation of Primary Agricultural Credit Cooperative Societies (PACS) Phase III hnuaiah thlan chhuah PACS 50-te hnenah computer set sem a ni a. He hun hi Cooperation Department Minister P.C. Vanlalruata chuan hmanpuiin, computer set hi a sem.
Registrar of Cooperative Societies Conference Hall-ah Thawhlehnia inkhawmah Minister P.C. Vanlalruata chuan sorkar laipui leh Mizoram sorkarin PACS an ngaih pawimawh thu sawiin, PACS-te chu Mizoram hmel tidanglam theitu an nih angin computer dawnte chu tangkai taka hmang turin a chah.
Cooperative movement-ah thalaite an pawimawh thu leh Mizote chu thawkho thiam tak an nih anga ram hmasawnna tana thawkho zel turin kalkhawmte a fuih bawk.
PACS Computerisation Phase III atan hian field verification neih tawh niin Intellect Company ERP Software leh GeM Portal kaltlanga Synergy Systems, Dimapur atanga lei hardware-te hmang hian PACS-te hi digitalized an ni tawh dawn a. Tun hma hian Phase I leh Phase II hnuaiah PACS 49-te chu computerise an lo ni tawh bawk.
He hun hi Registrar of Cooperative Societies John L.T. Sanga’n a kaihruai a. MPACS 50 thlan chhuahte hnenah computer semna neih a ni.