Spider-Man movie tharin khawvel a nuai mek a, a sum lakluh nitin a pung thur thur a, a changtute pawhin kawm leh biak an tawk nasa hle a, nuam an ti bawk.
A changtute zinga mi Jacob Batalon pawhin an kawmnaah nuam a tih thu leh kum 10 lai Spider-Man film-a a lo inlan ve tawhna chu ropui a tih thu a sawi a, Holland leh Zendaya te nen ngat phei chuan chhungkua ang maia an inngainat tawh thu a sawi.
Spider-Man: Brand New Day tlangzarh hnulawkah Jacob, kum 29 mi chuan Homecoming atang a lo inlan tawh avangin a tan chuan a thar apiang hi nuam a tih thu leh hriatreng tlak vek a nih thu a sawi a, a chanpuite nen chuan a dang zel pawh chan chhoh zel a inhuam thu a sawi a ni.
Holland, 30 leh Zendaya,29 te chu thawhpui nuam a tih bakah, an thawhrimna leh inpekna zawng zawngte chu professional dik tak nia a hriat thu a sawi a, ka chhungkuate aimahin an pahnih phei chuan ka chhungte an ni tawh zawk, a ti.
Jacob hi Spider-Man: Homecoming ah inlan tanin, Far From Home, No Way Home leh Bran New Day-ah te a tel chho leh vek a, an film industry zinkawng chu Spider-Man vang liau liau a nih thu leh chang chho zel tura an duh a nih chuan hnial harsa a tih tur thu leh a inpeih reng thu a sawi.