Tunkar Nilaini atang khan ruahtui a la tla tluang hle a, tampui sur lo mahse khaw awm tinuam lo leh thawmhnaw tihnawng tawkin a la tla reng. Tin, hetiang hun hi damlohna hrang hrang thlen duh hun a ni bawk.
Pisa kai leh zirna in sang zawka kalte tan chuan a tih dan dan pawh a la awm. Mahse, zirna in hniam zawka kalte, huh leh hnawm chuapin an chhuah ve reng a ngai a, sorkar in thu leh hla engmah a nei lo a, zirlaite kan ngaihsak leh ngaihtuah dan hi ngaihtuah ngai deuh tawh chu a ni.
Tun hma angin mihring hi kan tuarchhel tawh lo a ni mai thei. Mahse, naupang zawkte humhalhna leh an dikna chanvo hrang hrang hi a tam tawh hle a, vilzui leh ngaihsak ngai bik an ni tih hi i hre thar teh ang u.
Tunhnai ruahsur avanga school kai, damloh phah ta nual pawh an awm ngei ang. Tin, naupangte hian school chawlh a nih loh chuan kal loh mai maite hi an hreh tawh hle a, kan ngaihsak leh ngaihtuah dan hi ngaihtuah ngai tak chu a ni.
Sorkar in zirna in hniam zawka kalte dinhmun hi ngaihtuah chiang se la, khawchin thlirtute sawi dan phei chuan kar thar chhoah pawh ruahtui hi a la tla dawnin a lang bawk nen, an school kal dan hi ngaihtuahin, a tul a nih chuan chawlhte hi pe hma thei se a va tha em.
Nu leh pate chuan khawchhe hnuaia fate zirna ina kaitir aichuan chawl mai se kan duh vek. Mahse, anmahni zawk hian chawlh a nih loh a, an damthat bawk chuan kal ngei ngei an duh tawh thin bawk si. An nungchang leh rilru thianghlim tak an nih lai hian an dinhmun ngaihtuah chungin, a tul a nih chuan rei deuh zawk pawh school chawlh hi puan nimai se la, khawchin kan thlir thiam vek tawh a, chumi awm dan azir chuan ruahmanna a rang lamin siam thiam ngei bawk teh se.
Kan tu leh fate hi huh leh hnawm hluama school kaitir hi an hriselna atan a tha lo a, in lama a te lam zirtirin, hri len laia an kal ang khan a tul a nihchuan online teaching pawh neihpui mai nise, kan zirlaite hian ngaihsak an ngai e.