Aizawl: MNF Hnam Run-ah ‘Mizoram Independence Puan Diamond Jubilee Celebration Committee’ hruaitute leh zalenna suala lo fehchhuak pawl hrang hruaitute an inhmukhawm.
Nilainia an inhmuhkhawm hi Organising Committee Chairman leh MNF Sr. Vice President nibawk, Dr. R. Lalthangliana chuan a kaihruai a. He inhmukhawmnaah hian Ex-Mizo National Army Association (Ex-MNA), Peace Accord MNF Returnee Association (PAMRA) leh Mizoram Underground Returnee Association (MURA) hruaitu an tel a ni.
Dr. R. Lalthangliana chuan zalenna suala fehchhuakte chu lungrual taka Zofate Inpui MNF-a hawkhawm a, neitu chan chang theuh tura ngenin, “Kan theihna zawn theuhah kan ram, kan hnam leh kan sakhaw humhim a, ti thangduang zel turin i beiho ang u,” tiin a sawm a ni.
He hunah hian pawl hrang hrang kalkhawmte pawhin thu sawiin, Diamond Jubilee puala kohkhawm an ni leh zalenna sualtute MNF-in hlut taka a kalpui reng thin chu lawmawm an tih thu an sawi a. MNF-in zalenna suala Mizoram tana engkim huama a beih chhuah hlu tak, thangtharte tana rohlu thlen tute chu vawnhim zel a pawimawh thu leh, Mizo Nationalism vawn nun zel a tul thu an sawi.
He hunah hian K. Vanlalauva (NCC), K. Lalthawmmawia (Secretary & PAC), C. Lalramzauva (PAC & Chairman, MNF Legal Board), VL Krosshnehzova (General Secretary) leh party hruaitu dangte pawh an tel a ni.