Aizawl: Mizoram Public Service Commission (MPSC) member thar atan K. Lalrinzuali, IAS (Retd) chu Ningani khan Lok Bhavan, Aizawla Durbar Hall-ah lakluh a ni. Larsap General Vijay Kumar Singh chuan rinawmna thutiam chhamtirin a lalut a ni.
Lak luhna inkhawm hi Chief Secretary Khilli Ram Meena-a’n larsap notification chhiar chhuakin a tan a. Chief Minister Lalduhoma, Speaker Lalbiakzama, Home Minister K. Sapdanga, Leader of Opposition Lalchhandama Ralte leh Cabinet Minister te bakah sawm bik mi pawimawh tak tak an tel a ni.
K. Lalrinzuali hi 1992-a MCS zawmin, 2019-ah IAS-ah promote a ni a. Mizoram sorkar hnuaiah Commissioner & Secretary, Deputy Commissioner (Lunglei) leh department hrang hrangah secretary leh director pawimawh tak tak chelh tawhin July 31, 2026 khan superannuation pension-in a lo chhuak a. Tunah hian an chhungkuain Chawnpui veng, Aizawlah an cheng mek a ni.