Aizawl: Lawngtlai District Additional DC leh Electoral Registration Officer (ERO) ni bawk, David Lalrinawma, MCS chu Electoral Roll Special Intensive Revision (SIR) kalpui lai a zu rui a puh a nih avanga koh kir a nih hnuah sawn chhuah (transfer) a ni.
David Lalrinawma transfer order hi August 11 khan tihchhuah niin ICT Department Deputy Secretary hna chelh tura ruat a ni a. A hnai hmasa chelh tur hian DP&AR Deputy Secretary nilai H. Lalrinpuia (MCS) chu SIR tih chhung atan ruat lailawk a ni a, SIR a zawh hnuah a hna pangngai DP&AR Deputy Secretary chelh chhunzawm lehin a awm dawn a ni.
Thu dawn danin, Lawngtlai ERO hi Borapansury polling station-a claims & objections chungchang buaipui a nih laiin zu a rui nia puh a ni. Borapansury leh a chhehvel khuate hi Bangladesh ramri depa awm an nih hlawm avangin electoral roll buatsaih kawngah fimkhur zual a ngai hle a, tlawmngai pawlte pawhin uluk takin an vil mek a ni.