Thawhlehnia Supreme Court Collegium thukhawm chuan Gauhati High Court Judge atan Helen Dawngliani leh ukil Nchumbemo Mozhui-te rawtna chu a pawmpui.
Helen Dawngliani hi tunah hian Aizawl District Court-ah District & Sessions Judge hna thawk mek a ni.
Mizo zinga hmeichhe High Court Judge hmasak ber Marli Vankung a chawlh hnuah, Helen Dawngliani hi Mizo hmeichhe zingah high court judge ni thei pahnihna a ni ta a ni.
Helen Dawngliani hi May 24, 2011 khan Mizoram Judicial Service-ah lutin, B.A. (Hons) LL.B degree puitling nei a. A judicial career chhung hian Aizawl leh Lunglei District Court-ah Additional District & Sessions Judge hnate a lo chelh tawh a, Gauhati High Court-ah Registrar thawk tawhin, April, 2021 atanga July, 2024 chhung khan Secretary to the Government of Mizoram, Law & Judicial Department hna pawh a lo chelh tawh a ni.
Hemi hma hian Gauhati High Court, Aizawl Bench-ah Government Advocate-cum-Additional Public Prosecutor atan a lo thawk tawh bawk.