Country singer, khawvel huapa lar leh mi tam tak duh rawn, mi tam tak thawnthu hrang hrang hnutchhiahtu Dolly Parton chu keini huna thawhlehni zan khan kum 80 mi niin a boral.
A hla hrang hrangte khawvel huapa lar pui thei vek khawpa mi bik, charity hrang hranga a that lai huna inhmang nasa tak bawk Dolly hian a hun tawp lamah cancer a vei tih hmuhchhuah a ni a, hei hi a hneh zo ta lo nia tarlan a ni.
A ngilneihna, midangte tana a inpekna, khawvel hmun hrang hranga a kalnaah pawh tlawm taka nung thin Dolly hi khawvel chuan a sun a, amah uitu leh suntu an thahnem hle.
Nikum March thla khan a pasal Carl Dean chuan kum 60 mi niin a lo boralsan tawh a, fa an nei lo thung. A pasal boral hnu hian mal leh khawhar taka a awm thu a sawi thin a, a nun chu ruak ngawih ngawiha a hriat thin thu a lo sawi tawh thin bawk.
Dolly Parton vui hun tur hi la tarlan a ni lo a, America sorkar chuan an mibik thih thu an hriat rual hian an ram flag chu a ngul chanvein a zar nghal a ni.