Thawhlehni zana khawvelin a thlah liam tak country music lalnu Dolly Parton chuan zawngtu a ngah chho zel a, Google chuan a boral atang khan a chanchin ngaihven leh zawngtu an tam hle niin a tarlang.
Kum 80 mi nia boral ta Dolly hi thalaite en nasat football chungchang ai pawhin zawn hlawh a ni mek a, a chanchin bakah, a hla leh a thlalakte chu mi tam tak en leh chhiar nasat a ni mek niin Google Trends newsletter chuan a tarlang a ni.
US ram pumah titi a luah mek a, thildang zawng zawng aiin a chanchinin ngaihven a hlawh a, a hla hrang hrang play nasat a ni leh hle bawk.
Tarlan tawh angin Grammy vawi 11 lai dawng tawh zaithiam hi keini huna Thawhlehni zan khan cancer natna avangin a boral a, a chanchin leh a hlate erawhin khawvel a luah thar leh mek thung a ni.