Tottenham Hotspur chuan Manchester City forward Omar Marmoush chu season khat chhung an hnena khel turin loan-in an la a, an duh chuan a nghetin £ maktaduai 60-in an la zui thei ang.
Kum 27 mi hi City-in Eintracht Frankfurt atangin £ maktaduai 59-in nikum January khan an la a, Erling Haaland-a thachhangdawltu niin, a theihna tak tak pholang turin hun a nei tam tawk lo.
Egypt international hian City tan vawi 62 khelhah goal 16 a khung a, mi dang tan vawi ruk a siam a. Season liam ta khan khelh 36-ah goal riat a khung.
Hetih lai hian inkhel 36 zinga vawi 16 chiah bul a tan a, minute 90 khelh tluan hi vawi thum chiah a nei bawk a. Tunah chuan chona thar hmachhawn turin, Savinho hnungzuiin Roberto de Zerbi enkawl team a zawm ta.
Tottenham hian tun nipuiah hian Mateus Fernandes, Sandro Tonali leh Jan Paul van Hecke te an la lut tawh a ni.