Sarah McLachlan chuan Daisy Chain Fields Festival-ah a hlachuam ‘Angel’ tih ngei mai chu rawn thlawkchhuakin, Dolly Parton tan a hlan a, a hmuna kalkhawmte mittui a kochhuak nasa hle.
Olivia Rodrigo show-ah Sarah hi inlanin, amah pui turin Olivia hi sawm zuiin, an pahniha a hlachuam an sa dun chuan kalkhawmte beng a fah hle a ni.
Kum 58 mi ni ve tawh mahse Sarah hi a la nalhin, kalkhawmte ngainat a la hlawh hle a, kum 23 mi nena hun an hmang dun thei leh Dolly Parton thlahna an neidun thei chu nuam a tih thu bakah, naupang chhia ang maia a la inngaih thu a sawi bawk.
Rodrigo Festival tia an sawi bawk hian ngaihhlut a hlawh hle a, an sum hmuhchhuahte hi hmeichhia dawmkan ngai leh hmeichhe naupangte hmasawnna tura kalpui niin, hemi lam atan hian an hmang dawn nia tarlan a ni.
Daisy Chain Fields hi music festival a ni a, kan hlimnate hi khawtlang leh ram tan awmze nei zawka a kal theih nan leh kan nunphung a tha lama a inher theihna tura buatsaih a ni, tiin a hmain Olivia hian thuchhuah a lo siam tawh bawk.