Bollywood lemchan thiam leh manto berte zinga mi ni mek Kiara Advani chuan tunhnaia social media lama 80’s kum chho vel anga insiam danglamna angin a pasal nena an thlalak a siam chu a rawn hmang thut a, lawm a hlawhin, thlirtu a ngah hle.
Nilaini khan Kiara Advani hian a pasal Sidharth Malhotra nen an thlalak, classic taka siam chu a rawn dahchhuak a, a fans te chu an pa nena an hun liam ta leh classic taka an hman chungchangah eng nge an an, an hlimpui ve em, titein fiamthu a thawh pah a, lawm a hlawh hle.
Kiara hi film lama a awl lai tak niin, a film channa thar ber Toxic: A Fairytale For Grown Ups tih chu a tlangzarh zo chiah a, he film-ah hian Tara Sutaria, Yash, Huma Qureshi, Nayanthara leh Rukmini Vasanth te nen an chang ho a ni.
Hetih lai hian a pasal Sidharth erawh a film thar tur The Vvaan buaipuiin a buai rih hle thung a, he a film tharah hian Shweta Tiwari, Sunil Grover leh Maniesh Paul te nen an chang ho dawn a ni.