Aizawl: Serlui bialtu MLA Lalrinsanga Ralte chuan a bial chhung, Thingthelha Health Clinic Centre thar chu nimin khan a hawng.
Serlui bialtu MLA chuan a bial chhung khaw hrang hranga Health Clinic Centre hawn thar a ni thei chu lawmawm a tih thu sawiin, Thingthelh khaw mipuiten hriselna kawnga hmasawn nasa zawk an hmuh theih nan \angkai taka an hman ngei a beisei thu a sawi.
Covid-19 leng avanga ram pumin harsatna an tawh mek avangin thawktu dah mai a harsat thu sawiin, MLA Fund hmanga thawktu hlawh chu ruahman phawt anih tur thu leh Health Clinic Centre hawn tharte chu a \ul anga tihchangtlun zel a nih tur thu a sawi bawk.
February thla khan Serlui bial chhung – Rengtekawn, N.Chhimluang leh Saihapui ‘V’ a, Health Clinic Centre thar te chu bialtu MLA hian alo hawng tawh a. Heng khaw pathum a, thawktu tur Health Worker te hlawh hi bialtu MLA chuan MLA Fund atangin, a ruahmansak vek a ni.