aIZAWL: Labour, Employment, Skill Development & Entrepreneurship department buatsaih, ni hnih awh tur ‘Kawtchhuah – 2022: A start-up fair for Govt. ITI pass-outs’ chu nimin khan Govt. ITI Campus-ah LESDE Secretary Lalramsanga Sailo-in a hawng.
LESDE Secretary chuan LESDE department-in Kawtchhuah 2022 hmanga mahni kutkawih leh themthiamna hmanga eizawnna chawilar a tum ber a nih thu sawiin, ITI atanga zirchhuak tawh- te, an kal zelna tur kawng sahkuakpuia, tiphurtu leh chona thar petu atana ruahman a nih thu a sawi.
Kawtchhuah 2022 chu Govt. ITI atanga zirchhuak, mahni kut- kawiha eizawn tumte (entrepreneur) tana kawng hawnsakna tur platform tha tak a nih thu LESDE deptt. secretary chuan a sawi a. ‘Kawtchhuah’ chu Mizo pi leh pute hnathawk tur leh an thiam thilte hmang tangkai tura an innghahkhawmna hmun a nih thu sawiin, chumi hre reng chunga Kawr- chhuah programme chu hmang tangkai turin intihsiakna hmachhawn tura kalkhawmte chu a chah bawk.
Sorkar thuchhuahin a tarlan danin Kawtchhuah hi Govt. ITI pass chhuak tawhte tana hmalakna bultanna tura business plan nei tha thlan chhuahna tur niin, he intihsiakna a tel tur hian dilna 61 a lut a. Heta intihsiaknaa a titha thlanchhuah ten Rs. 50,000 an dawng ang.