Huhang ngah Kim Kardashian chuan a pasal hlui Kanye West nen an inthen hnu leh tuna a kawppui ni mek Hamilton nen an intawn hma, kum 5 chhung kha chu ‘single’ dik tak a nih thu a sawi.
October ni 4 a tihchhuah an kawmnaah he thu hi Kim K chuan sawichhuakin, kum 45 mi chuan Kanye West nen an inthen hnu khan ‘single’ dik tak a nih thu sawiin, kawppui lam reng reng a ngaihtuah loh thu a sawi a, kum nga chhung kha chu zalen takin hun ka hmang a ni ber a ti.
Lewis Hamilton nen an intawn hma phei chuan a fate tan a hun pum a pek theih bakah, a hna lamah a duh tawkin a insawrbing thei niin a sawi bawk a, engmah kha ka hmanhmawh lo, thinlung leh rilru dam ver vawra awm kha ka duhthusam ber a ni miau a, a ti bawk.
Kum 41 mi Hamilton nen an intawn hnu erawh chuan a boruak pawh lo tha ve zelin, ani chu a danglam, engkim kan inhrethiam tawn hle, a chhe zawngin a khawsa lo, a ti.
An pahnih hian kumin February thla atang khan boruak an nei tan a, April thla khan hei hi nemngheh niin, an boruak a tha chho hman tawh hle. Kim K pawh hi Hamilton-a F1 racing-na hmunah a tawiawm lai hmuh a ni fo bawk a ni.