Aizawl: Indian Oil Corporation Limited (IOCL) revised Retail Selling Price tihchhuah angin, Mizoram chhungah LPG (Domestic leh Commercial) rate thar bithliah a ni a, he rate thar hi October 1, 2026 atang khan hman tan a ni.
Rate thar hetiang hian ruahman a ni – Vairengte-ah 14.2 KG (Domestic cylinder) hi Rs 1,085, 19 KG Commercial (packed) hi Rs 3,285, 19KG Xtra Tej hi Rs 3,307.50 leh 10 KG Composite cylinder hi Rs 777.50 a ni a; Vairengte tih loh Mizoram pumpuiah 14.2 KG Domestic cylinder hi Rs 1,094, 19 KG Commercial Rs 3,300 19KG Xtra Tej Rs 3,322 leh 10 KG Composite Rs 787.50 a ni.
Sorkar notification angin Aizawl Municipal Area leh District Headquarters hrang hrangah te home delivery kalpui tur anih avangin rate tar lan atang hian cylinder tinah Rs 70 belh zel tur a ni a, hmun dangah home delivery kalpui a nih pawhin Rs 70 hi belh zel tur a ni.
Home delivery sema 10 kg cylinder sem tel a nih chuan Rs 70 leh 5 kg cylinder-ah Rs 20 belh tel tura tih a ni bawk.
Godown-a hralh a nih erawh chuan Rs 33.43 paih (discount) tur a ni a, home delivery kalpui theih lohna hmun, Point Delivery kalpuinaah erawh cylinder tinah Rs 7.53 belh zel tur a ni thung.
LPG distributor-te chuan an huam chhung khua leh an hlat zawng (KM) atanga pawisa chawi belh ngai zat chhut chhuakin an huam chhung khuaah theuh LPG hi an sem thin tur a ni.
Heng instruction-te hi hun laklawha IOCL lamin a rate an tihdanglam pawhin hetiang kalphung zela kalpui chhunzawm zel tur a ni ang.