Kum ruk chuang an inzui leh inkawp hnuah South Korean actor Yoo Seung Ho leh zaithiam leh lemchanthiam Lim Se Joo te chuan thenzai an rel ve ta.
An pahnih hian kum 2020 atanga inzui tan niin, vantlang hmaah pawh vawi tam inngeih leh inhaw lo takin an lo inlan dun tawh thin a, mahse an hlimna erawhin damchhung a daih dawn ta lo a ni.
An inthen chungchang hi ningani khan tihchian a ni a, report thenkhata tarlan a nih danin an pahnih hian inpawh tawn takin an awm a, an pahnih duhthlanna ve ve nia sawi a ni bawk.
Yoo agency chuan an pahnih inkar tawp thu hi nemnghet ve bawkin, mi pahnihte thutlukna siam chu inzahtawnna hmanga tihtawp a ni ta, a ti a. Lim agency pawhin kum ruk chhunga thil thleng hrang hrangte chu hriatrengna chang mai tawh turin khar fel a nih thu a tarlang ve bawk.