Aizawl : Taxation Minister leh GST Council member ni bawk Dr. Vanlalthlana chu Ningani khan Delhi-a Summit Hall, Bharat Mandapam-a kumin chhunga a vawikhatna atana buatsaih 57th GST Council meeting-ah a tel.
Union Finance Minister & GST Council Chairperson Nirmala Sitharaman-i kaihhruai he meeting-ah hian sumdawng te leh mipuite tana awlsam zawk leh zangkhai zawka GST kalpui a nih theihna tura ruahmanna pawimawh hrang hrang pawmpui a ni a.
Meeting thurel langsar zualte zingah, Section 69 hnuaia thuneihna tihdanglam te leh thubuai siam theih bithliah Rs vbc 1 atanga Rs vbc 5-a tihsan te, ITC & Blocked Credit inmil lohna chungchanga criminal proceedings laka chhawmdawlna te, leh telecom tower, life insurance, leh free sample a ‘blocked credit’ awm thin te tihzangkhai an rel a. Hei bakah GST Registration leh Compliance awlsam zawk leh chak zawka kalpui te, chhiah pek tur Rs 10,000 aia tlem nei hnena show-cause notice leh court thubuai (litigation) siam loh ni se tihte, sumdawnna Rs vbc 5 chin hnuailam ten annual return awlsam zawk leh thla thum dana chhiah chawi (quarterly payments) awlsam zawk siamsak an rel bawk.