Hnahsin Kut 2026 chu zirtawpni zan khan Tourism Minister, Lalnghinglova Hmar hovin Champhai Mualnuam-a khar a ni.
Hnahsin Kut inkhawmah hian Tourism Minister chuan, Hnahsin Kut hian Champhai leh a chhehvela sum leh pai chevel bakah kawng hrang hrangin hlawkna a tel tih sawiin, he kut ngaihtuah chhuaktu leh bul tantu, Champhai Nature Conservancy thawhrimna leh remhriatnaah lawmthu a sawi a.
Lalnghinglova Hmar chuan, kumin hian Mizorama mihring cheng zat dawn khualzin an hipluh hmel a, hemi kawngah hian Hnahsin Kut leh Champhaiin an thawhhlawk hle tih a sawi a, Hnahsin Kut hian social media-ah mtd. 22.5 zet entu a nei a, hei hian a lar zia leh mipuiin an hlut zia a lantir a ni, a ti.