Aizawl: Sports Minister Lalnghinglova Hmar chuan Mizoram Tennis Association Golden Jubilee lawmna chu Aijal Club Park-ah Thawhtanni tlai khan a hmanpui.
Lalnghinglova Hmar chuan, Mizoram Tennis Association in Jubilee an lawm thei chu lawmawm a tih thu sawiin, association hruaitute thawhrimna leh inpekna rah a ni, a ti a. Hruaitu kal ta te leh ni mek ten theihtawpa hma an lakna zarah Mizoram sports chu a thang zel a ni, a ti.
Sports Minister chuan nu leh pate pawhin an fate sports hrang hrang zir tura an fuih a tul thu a sawi a, hemi hian hun lo kal zelah sports a chawikang zel dawn niin a sawi.
Jubilee lawmnaah hian Minister chuan lungphun (plaque) a hawng a. MTA President CC Lalchhuangkima chuan golden jubilee t-shirt leh cap tlangzarhin association President leh Secretaries kal ta te chawimawina hun hman a ni.