Pop star Justin Bieber nen pawha lo inzui ve zak zak tawh Australian model Sahara Ray chu kum 34 mi niin a boral a, fanu pakhat a nei hman.
Ray chhungte chuan a boral thu hi kartir lam khan an nemnghet a, damdawi inah a hmangaih tak takte kalsanin a her liam ta, tiin thuchhuah an siam.
Model Ray-i hi kum 2024 khan Guillain-Barre syndrome natna a vei tih hmuhchhuah niin, hei hi natna hlauhawm tak, immune system tichhia a, nerve thlenga tichhe thei nia sawi a ni a, hei vang hian ke pawhin a kal thei lo hial a ni.
Ray-i hian kumin January thla khan fanu Snow neiin, hei hi amah pawhin a hlimpui hle a, a nunkawng tinuamtu niin a lo sawi fo tawh thin bawk a ni.
Australian model hi kum 2016 khan Bieber nen hian an lo inzui ve nasa tawh hle nia sawi a ni a, Hawaii lamah chawlh pawh an lo hmang dun tawh nghe nghe.