BJP aiawhte chuan Nilaini khan opposition leader Suvendu Adhikari-a hovin Rampurhat, Birbhum district-a Bengal-a Trinamool panchayat member pakhat thih hnua mi pariat hal hlumna thlenna hmuh chu an tlawh.
“Vanduaina pawi tak a ni a, demna thu sawi chin tawk a awm thei lo. Calcutta HC chuan central forensics department inrawlh turin a ti a. NIA emaw, CBI emaw chhui kan phut a. SIT hi state sorkar hnuaia mi niin chief minister-in sorkar hum hram a tum dawn a. President’s Rule hi Bengal kan hum theihna kawng awm chhun a ni,” tiin Adhikari chuan news agency ANI a hrilh.
Tun \um hi Adhikari-a’n ni hnih chhunga a vawi hnih nana an state-a President’s Rule hman a duh thu a sawi vawi hnihna a ni.
Adhikari-a kaihhruai BJP aiawhten an tlawh hma lawk hian Calcutta High Court directed the Central Forensic Science Laboratory chu Bogtui khuaa thil thleng finfiahna la khawm turin a ti a. He thil thlengah hian mi 23 vel man an ni tawh.
Bengal BJP hian sorkar laipui inrawlh ngai an phut a, Nilainia Lok Sabha rorel inkhawmah pawh saffron party MP eng emaw zat chuan Mamata Banerjee-i sorkar an duh lohna thu ziak an keng lang.
Sawiselna a tawh mek karah Mamata Banerjee-i chuan eptute thu lak dan chu a dem thu a sawi ve bawk.
“Sorkar kan kaihruai a. Engvangin nge mi that, thisen chhuah leh bomb tihpuah kan duh ang? Heng titute hi thuneihna chelh ve lotute leh sorkar beia min tihbuai tumtute an ni,” a ti a. Chief minister hian Ninganiah Birbhum hi tlawh a tum thu a sawi bawk.
Nilaini vek khan West Bengal Governor Jagdeep Dhankhar chuan chief minister chu thil sual titute hum tum anga a awm thu a hrilh.
Chief minister hian governor hi na taka chhang letin, “Thuneitu pakhat chu a \hu tawp a, West Bengal-in harsatna a tawh lai apiangin thuchhuah a lo siam ve ziah,” a ti.