Ukraine chuan missile pawimawh an dawn theihna turin thla khat dawn US defence secretary-in pawmpuina a ziah an nghak ta tih President Volodymyr Zelenskiy-a chuan a sawi a, hetih lai hian Russia chuan an energy hmunpui leh civil mite thil pawimawh nasa zawkin a bei mek zel.
“A nihna takah chuan Pu Mr Hegseth-a’n Patriot leh NASAMS kan dawn theihna tura a ziah fel hun hi thla dawn kan nghak ta a. Kan team pawh hemi chungchang hi American lam hnena sawi chhuak turin kan tur a ni,” tiin Zelenskiy-a hian Thawhtanni khan X-ah a tar lang.
Ukrainian hruaitu hian a hma atang tawhin NATO-a an thawhpui ram hnena missile hralhtu, US hi PURL tih programme hnuaia an dawn chhawn ve theihna tura thil tifel tur leh thlasik hma ngeia an dawn theih nana hma la chak turin a lo nawr tawh thin.
Kar hmasa khan US Secretary of State Marco Rubio-a chuan missile hmanga mi dangin an kahna lo dan leh kah thlakna (interceptor)-te an la pek loh thu a lo sawi tawh a, an tlai chhan chu politic thil vang a nih loh thu a sawi bawk.
President Donald Trump-a’n diesel leisakna tura Russia nena inremna a siampui leh Ukraine-in Russian tuialhthei thlitfimna hmunte beih a chawlhsan lo nia a puhnain Zelenskiy-a leh US inkar a tihchhiat mek laiin an duh ang huna missile an pe thei lo hian a tithinrim zual hle.
Tun hnaiah khan Ukraine hian US chu Russian-ten missile hmanga an kah hrilh lawk turin intelligence an pe chhawng duh lo niin a lo puh tawh a. Sipaite hman chi bik Starlink pawh ni eng emaw zat an hmang thei lo va, hei an sipaite chetna leh boruak atanga beihna laka an invenna a tibuai hle niin a sawi bawk.
Starlink hnuaia mi, Starshield hman that theih loh hi White House atanga thupek nia sawi a ni a. SpaceX CEO Elon Musk leh US thuneitute chuan Starlink leh Starshield hman theih chin siam chu mi dangte thutlukna a nih thu an sawi bawk.