F1 driver Lewis Hamilton chuan a kawppui Kim Kardashian fate nena hun hman ho chu nuam a tih thin hle thu sawiin, a inkungkaihna pawh a nghet tha tawh hle niin a sawi.
Austin, Texas-a F1 Grand Prix an neih hmaa press mite zawhna a chhannaah Hamilton chuan, kum 46 mi a kawppui chhungte leh a fate nena hun hman ho chu nuam a tih thin hle thu sawiin, an bula hun hman hi ka thlakhlelh ber a ni thin a ti.
Kardashian hian fa pali neiin, kum 41 mi Hamilton nen hian kumin February thla vel atang khan thuthang an nei tan a, hemi hnu lawk hian an inkar hi rawn sawi lan zeuh zeuh niin, Kardashian chuan a fate nena inlaichinna tha neih tuma Hamilton-a’n a beih fo thin thu thlengin a rawn sawi a, tunah chuan an inkungkaihna hi a nghet hlawm tawh hle niin a lang.
Zawhna a chhannaah Hamilton chuan naupang palite nen hian hun hlimawm tak kan hmang thin a, an tan a tha ber nih ka tum thin. Tunah hian uite kan nei thar a, kan chhungkaw member zinga mi thar ber a nih avangin tih tlangnel kan tum ber a ni, a ti zui bawk.
Kardashian hian a pasal hlui Kanye West nen fa pali – North,13; Saint,10; Chicago,8 leh Psalm,7 te an nei a, heng mite hi an inthen hnuah a awmpui vek a ni.